Кәкімбек Салықов

Композитор достарға

Бұл бетте «Композитор достарға» атты Кәкімбек Салықов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

04.11.2021
0
0
893

Жақсы дос сырын түсінем,
Шыңдаған заман сынағы.
Тілегі таза кісімен
Тілдескім келіп тұрады.
Сүймеймін сөз бен желбуаз,
Жадағай,
Жайдақ сарынды,
Іздедім әсем,
Сұлу саз
Оятар ойда жалынды.
Сенімді сақтар күдікпен,
Сөнбесін үміт шырағы.
Сөз білер асыл жігітпен
Сырласқым келіп тұрады.
Ән мен сөз жатық қабысқан,
Жарқ етсін жұлдыз жанғандай.
Алыстан аңсап табысқан
Арудан алғыс алғандай.
Жібермес жеңіл сайранға,
Сөнбесін шабыт шырағы.
Ақылды доспен майданға
Аттанғым келіп тұрады.
Майданым –
Өлең өресі,
Елеңдеп
Елім ұққандай.
Үзімтал әнге бөленші,
Үзімін жүрек жұтқандай.

Кәкімбек Салықов композитор достарға Кәкімбек Салықов өлеңдері

Пікірлер (0)

Пікір қалдырыңыз

Жиі қойылатын сұрақтар