Кәкімбек Салықов

Қайран жүрек қысып-қысып кетеді

Бұл бетте «Қайран жүрек қысып-қысып кетеді» атты Кәкімбек Салықов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

admin
26.11.2024
0
0
539

Қайран жүрек қысып-қысып кетеді,
Бір соққаны мың соққыға жетеді.
Сол бір сәтте өткен күндер тізіліп,
Қайтқан құстар көз алдымнан өтеді.
Қиянатым жоқ қой ешбір адамға,
Қайта үңілем арттағы көп қадамға.
Бір ананың жалғызы боп жүргенде,
Сенуші едім жүрегім мен қаламға.
Әлі күнге сол екеуі ұғар деп,
Тіршілікке келем шексіз құмар боп.
Жүрегіме еш өкпем жоқ, түсінем
Қатер сезген қоңырауы шығар деп.
Сондай кезде бір суынсам, бір күйіп,
Жүрегімде бар демеңдер мың күйік.
Ештеңе жоқ, өзім табам дәруін,
Көз қызыққан сұлу көрсем бір сүйіп.

04.02.2002.
Емхана

Кәкімбек Салықов қайран жүрек қысып-қысып кетеді Кәкімбек Салықов өлеңдері

Пікірлер (0)

Пікір қалдырыңыз

Жиі қойылатын сұрақтар