Өлең, жыр, ақындар

Бейбітшілік – мен жұтатын таза ауа

  • 08.11.2021
  • 0
  • 0
  • 507
Бейбітшілік – мен жұтатын таза ауа,
Бейбітшілік – жас сәби мен әз ана.
Кім жылатса осыларды, сен соны –
Ей, уақыт, жазала!..
Бейбітшілік – үлбіреген аппақ гүл,
Аяламай, кетпек оны таптап кім.
Жылайтындай кейбір шақта бұлттанып,
Өлгендерді жоқтап күн.
Бейбітшілік – әнім менің табынар,
Әні бардың атар алау таңы бар.
Айтсам ашық мынау жердің бетінде –
Ол бар болса бәрі бар!
Бейбітшілік – бұлақ күлкім, көңілім,
Туған жердің тіліп аққан өңірін.
Бір сабақта тұрған жырлап, үзілмей
Жапырақтай өмірім…
Бейбітшілік – мен сүйетін бұл күнгі ән,
Көкірегімде толқындайын бұлқынған.
Бейбітшілік деген сөзбен Отаным –
Егіз ұлдай бір туған!..



Пікірлер (0)

Пікір қалдырыңыз

Маған арнап

  • 0
  • 0

Маған арнап
әкелші даладан гүл,
Исі бар онда күн мен жан анамның.
Самал есіп жанымның сарайында,

Толық

Өзінді осы жерден көрген едім

  • 0
  • 0

Өзінді осы жерден көрген едім,
Өрмелеп тасым тұрған өрге менің.
Бақыттан бұлдыраған көздеріме
Теңселіп кетіп еді жер дегенің.

Толық

Күндерменен ақ сағым сырғанармын

  • 0
  • 0

Күндерменен ақ сағым сырғанармын,
Сырғанармын, сол күнмен бір жанармын.
Елеңдетіп жанымды түнгі көктен,
Даусы келер құлаққа тырналардың.

Толық

Қарап көріңіз