Қазақстан

Қазақпын
Өлең-құсым қанат қақты дір етіп,
Тағылымды тарихымнан сыр шертіп.
Ардақтаумен, аялаумен өтейін,
Қазағымды мәңгі өлмес жыр етіп.

Халықпыз біз – тарихы бар сан ғасыр,
Ұмытпаған қазақтығын, салтты асыл.
Ал бүгінде асқақтайды Астанам,
Бой түзеген «Бәйтерегім», «Ханшатыр».

Халықпыз біз – аялағани ақынын,
Жау қолында қалтырмаған жақынын.
Түзде жүріп атқа қонса ұлдары,
Аналары үйде қысқан тақымын.

Халықпыз біз – Көкбөріге табынған,
Қиындықта бір ту астынан табылған.
Бір уыс топырағын тұмар ғып,
Алыс кетсе туған жерін сағынған.

Халықпыз біз – үлгі тұтқан ерлікті,
Ынтымақты, татулық пен бірлікті.
Отан үшін атқа қонған ұлдарын
Арқау етіп дастанына жыр ғыпты...

Ата-баба арманы боп жалғастым,
«Қазақпын» деп мақтанудан талмаспын.
Елім бүгін егеменді, тәуелсіз,
Нұр-ағам бар басын қосқан Алаштың.

Қазағымның жалындаған жырымын,
Тарихымның шертілмеген сырымын.
Қазағымның ертеңі үшін жаралған
Ата-анамның үміт күткен ұлымын!

Бейбарыс ОРАЛБЕКОВ
Шығыс Қазақстан облысы
Катонқарағай ауданы
«Юбилейное орта мектебі» КММ

---