Сен аман бол

Сен аман бол, менің жақсы адамым,
Сен қуансаң, мен дағы мәз боламын.
Тоқтамасын жүрегіңнің соғысы,
Тоқтатқанша айналуды ғаламым.

Қарашы, өмір неткен ғажап, әдемі,
Тек өзіңе арналғандай әлемің.
Талдың өзі реверанста иіліп,
Құшырлана салар саған сәлемін.

Көктем, жаз, күз, қыс ұсынып кезегін,
Қандырады, оңдырады көз емін.
Сергиді бой, ажарынан, көркінен,
Түсіне алсаң белгілі ғой сезерің.

Сен аман жүр, кіммен, қайда болсаң да,
Өзгелермен өзге әуен салсаң да.
Салмасыншы тағдыр сені сарсаңға,
Жылына бір қоңырауды шалсаң да.
Ержан қабышұлы

---