Ұмытсаң да...

Ұмытсаң да...
мен сені ұмытпадым,
Сезімнің сетінетпедім суыртпағын.
Төгіліп ақ жібектей, көкжиектен
Үлбіреп атты қанша үміт таңым.
Ол рас,
жастықпенен егіз көктем.
Көгілдір табысқандай теңіз көкпен.
Басқаға, қысыламын, жори ма деп,
Жолығайын десем бір сені іздеп мен...
Төсінен шығатұғын күні талмай,
Алыстан көрінесің ұлы таудай.
Басқа барлық дүниені ұмытсам да,
Жүрмін сені, әйтеуір, ұмыта алмай.

---