Cәл сүрінсем, сүйей өзі тұрғызып

Cәл сүрінсем, сүйей өзі тұрғызып,
Өмір деген өтер бастан бір қызық.
Сол өмірге жалау болған жүрегім,
Тірлігімнің моторындай тұр қызып.
Жанға сая болмай мынау жасыл бақ,
Көкірегіме өткен күннен жас ұрлап.
Аласұрам, осынау титтей кеудемде,
Тұлпар шауып баратқандай тасырлап.
Жүрегім менің, уақытпен соқ талмай,
Жүрекке жүктер аманат деген көп қандай.
Кейде бір жаным ақ жаңбыр тілеп тұрады,
Көк аспанға шаңым шығып жатқандай...

---