Менің де жайлап жаққан бір отым бар

Бұл бетте «Менің де жайлап жаққан бір отым бар» атты Қанипа Бұғыбаева жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 08.11.2021
  • 0
  • 0
  • 583
Менің де жайлап жаққан бір отым бар,
Қонақ боп қайтам десең, жүр, ақындар.
Еске алып бір досымды жыласам мен,
Жабылып жырмен бәрің жұбатыңдар!
Қонақ боп қайтам десең, жүр, ақындар,
Төрінде көңілімнің гүл атыңдар.
Қылығын бір досымның есіме сап,
Күлдіріңдер немесе жылатыңдар.
Баратын басқа жерің жоқтай-ақ кел,
Ешкімге төгіп-шашып, айтпай-ақ кел.
Қысылып біреулерше, қымтырылмай,
Қақпаны рұхсат сұрап қақпай-ақ кел!
Шаттықтан уақыт болмай қайғыруға,
Із салып тұрсаңдаршы, ай-жылында.
Желкендей көтерілген кішкене үйім,
Тербеліп тұрсын жырдың айдынында!..
Ұмытсаң да тіпті сен есімімді,
Қараймын да көзбенен кешірімді?
Бұл адамдар қиыспас досым деймін,
Төріме қақпай шықсаң есігімді.
Менің де жайлап жаққан бір отым бар,
Жүр, ақындар, кәнеки, жыр оқыңдар.
Жанымның жайлауында көкпар тартып,
Төрінде көңілімнің гүл атыңдар.


Пікірлер (0)

Пікір қалдырыңыз

Жиі қойылатын сұрақтар

Менің де жайлап жаққан бір отым бар өлеңінің авторы кім?

Қанипа Бұғыбаева — осы өлеңнің авторы.

Менің де жайлап жаққан бір отым бар өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Менің де жайлап жаққан бір отым бар өлеңі не туралы?

Бұл өлеңде Қанипа Бұғыбаева өз ойы мен сезімін көркем түрде жеткізеді.

Менің де жайлап жаққан бір отым бар өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері