Өлең, жыр, ақындар

Арып-ашып келсең, жаным түн қатып

  • 08.11.2021
  • 0
  • 0
  • 734
Арып-ашып келсең, жаным түн қатып,
Есік ашсын ойда жоқта бір бақыт.
Шырақ жанған терезені шерткейсің,
Шырағы бар жүрегіңді тыңдатып...
Көкірегімнен шықпай қалған бір ән ең,
Бір көруге сені әйтеуір құмар ем.
Созған қолым қолдарыңа жете алмай,
Тоңған жандай дір-дір етіп тұрар ем.
Үйреніп мен үлгермеген бір ән ең,
Қиялымда бойлап өскен шынар ең.
Тұлымшағын сипаған боп баламның,
Қуаныштан төмен қарап жылар ем.
Күтуменен айлар-жылдар өтер көп,
Кәрілік те, қашқаныммен, жетер кеп.
Шырағымды сөндірмеспін, мен бірақ –
Түнде келсең, сен адасып кетер деп!..



Пікірлер (0)

Пікір қалдырыңыз

Ағаш кескенде

  • 0
  • 0

Көз алдымда түтін менен сол ұшқын,
Қасіретін еске салып соғыстың,
Кесті тірі аңыратып ағашты,
Кеңітуге жүретұғын жол үстін.

Толық

Қоштаспадым

  • 0
  • 0

Қоштаспадым,
Сен-дағы қош демедің,
Қызығы қалмағандай ештеңенің.
Десем де, сенім толы үмітпенен

Толық

Жүректегі жүгінем жазуларға

  • 0
  • 0

Жүректегі жүгінем жазуларға,
Өкінбеймін құлатса сезім жарға.
Күндіз-түні сен жайлы ойлайтұғын
Мәнді екен ғой өмірім өзің барда...

Толық

Қарап көріңіз