Өлең, жыр, ақындар

Бір бастағы бір өмір көрінеді аз маған

  • 08.11.2021
  • 0
  • 0
  • 563
Бір бастағы бір өмір көрінеді аз маған,
Үлгермейтін секілді шалқып отым маздаған.
Үлгермейтін секілді бір бақытым оралып,
Кетем бе алып өзіммен жырларымды жазбаған...
Кетем бе алып, сезімге қара бұлты жаумаған,
Кетем бе алып, көзіме сағым белді аунаған.
Қайран уақыт, қайтейін қарғып бастан барасың,
Қызуымды қызыма беріп менен аумаған...
Кетем бе алып, кеудеме таңғы күннің шуағын,
Өшіремін мен неге өмірімнің шырағын.
Қайта келем жарыққа жаным, қызым, өзің боп,
Қайтадан мен жарыққа өзің болып туамын.
Қайта келем өмірге, кеудеме алып жаңа үміт,
Жаратылыс заңынан, қалар сонда жаңылып.
Айтыңдаршы достарым, бір ән салмай ортаңда
Қалай жатам тып-тыныш бір төбені жамылып...
Бір басымда бір өмір тұрғанда өтем үлгеріп,
Арды сатып пендеге жүргемін жоқ күн көріп.
Жатсам-дағы осынау туған жердің қырында,
Бір арманым жайқалар, орынымда гүл болып...



Пікірлер (0)

Пікір қалдырыңыз

Нәресте күлкісі

  • 0
  • 0

Жүзінде ойнап жылу атты күн күші,
Алаңсыз бір, айтшы, дүние,
Күлдің бе ей?!
Нәрестенің мына тұңғыш күлкісі,

Толық

Сыртта жаңбыр, іште мұң

  • 0
  • 0

Сыртта жаңбыр, іште мұң,
Әйнекті ұрып шертеді.
Шөлдеп, кеуіп ішкенім,
Өзегімді өртеді.

Толық

Туғаннан жақсылыққа көрші екенмін

  • 0
  • 0

Туғаннан жақсылыққа көрші екенмін,
Татпадым өмірдің көп мен шекерін.
Түсініп достасуға көгершіндей
Жүректі жүректерге елші етемін.

Толық

Қарап көріңіз