Қанипа Бұғыбаева

Кейде көктем, қыс кейде

Бұл бетте «Кейде көктем, қыс кейде» атты Қанипа Бұғыбаева жазған табиғат туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

11.11.2021
0
0
632

Кейде көктем, қыс кейде,
Оралмайды кешегің.
Шын махаббат түс бейне,
Сипап қалар төсегін.
Қалып кейін жеңіл ой,
Мұң аршымай көкірек.
Қателеспес едім ғой,
Келсе жастық екі рет!
Сезім қанда дір еткен,
Үміт балаң көк шынар.
Жалын шайған жүрекпен,
Сүю күшке от шығар!..
Ауа жайған аңсарым,
Шаштарыңды түзетіп.
Тисе кенет саусағым,
Күйетіндей шыж етіп!
Сені құшып сүюге,
Жеткенімен ақылым.
Жұпыны осы күйімде,
Жетпейтіндей батылым.
Кейде көктем, қыс кейде,
Жанарымда толы мұң.
Шын махаббат түс бейне,
Сипап қалар орынын!..

Қанипа Бұғыбаева кейде көктем қыс кейде Қанипа Бұғыбаева өлеңдері

Пікірлер (0)

Пікір қалдырыңыз

Жиі қойылатын сұрақтар