Тәуелсіздік

Тәуелсіздік - арманы бабалардың,
Күші бар кеудесінде қара нардың.
Егемендік елдікке қол жеткіздік,
Келешек қамы үшін балалардың.

Отыз жыл- шежірелі ордам дара,
Елбасым- елі үшін қорған пана.
Тағзым етіп тұрамыз, алғыс айтып,
Егемендік құрбаны болғандарға.

Тарихым бар беттері таңбаланған,
Ұлықты елде келеміз жалғап арман.
Еліміз аман болып, жұртым тыныш,
Шаттықтың туа берсін таңдары алдан.

Елімнің ертең күні мәнді болсын,
Отаным сарқылмайтын ән-жырымсың.
Тұғырымыз биік боп еліміздің,
Тәуелсіздік таңдары мәңгі болсын.