Өлең, жыр, ақындар

Туған тілің – тұмарың

Туған тілің – тұмарың

Туған тілмен тербелсінші бесігің,
Бөбегіңнің қазақша айт есімін.
Қандасым-ау, қасиетті басыңда,
«Алтын тəжің» туған тілің несібің.

Ерігің бар, өз тіліңмен өнуге,
Адам боп кеп, қазақ болып өлуге.
Өзектерін өртеп кетсін өзгенің,
Ана тілім қалықтасын көгімде!

Оян досым! Байқаусызда көз ілсең,
Бойыңдағы тектілікті сезін сен.
"Қазақ тілім!" Қырандайын қалықтап,
Көк төсінде қуатты елдің көрінсең.

Туған тілім, тағдырыңа алаңмын,
Ұлт байрағы, ұлағаты бабамның.
"Тұмар" қылып тақсам теңдік төріне,
Қасиетің ақ сүтіндей анамның.

Алтынай Алиева
#Жүректегіжазбалар
13.10.2017ж



Пікірлер (0)

Пікір қалдырыңыз

«Әділдік арнасы» пәлсапалық өлең

  • 0
  • 0

Әрі кеткен әділдікке, Жабықтым...
Бұғауынан шыға алам ба қалыптың?
Кейде аспанға айқайлағым келеді
Санамдағы сансыз ойлар!

Толық

Ой

  • 0
  • 0

Өмірімнің әр сәтінде - ойланам...
Тәуелдіме, таусылмайтын ойға адам?
Ұшқыр қиял дес бермейді дегбірге,
Санам әр кез сансыз ойға тоймаған.

Толық

Өмір көшесі

  • 0
  • 0

Көшесімен өмірдің жүріп келем,
Ыстығына шарпылған "күйік" денем.
Желдерінен жаураған жүрегіме,
Жақсылықты жылытып жиып келем.

Толық

Қарап көріңіз

Басқа да жазбалар