Екі сөйлем

Жоқтаушысы ар мен биік намыстың
Ақын отыр суыртпақтап
тін тарқатып талшығынан жүректің,
дүниенің бүтіндемек жыртығын,
күресіннен аршымақ боп шындықты
айқаспайды кірпігі,
табар емес бір тыным...
Айлалының көлгірлігі шырмаған,
бетін жыртып бетпақ тірлік тырнаған
Шындық отыр
шыбын жаны шырқырап,
қалғып кетіп қарауылда
бар байлығын тонатқан
күзетшідей күрсініп...