Күн жыры

Күз түскелі күліп тұр ем,
Бүгін сықтым көз жасын,
Бұлт шатырын керіп тастап,
Алатауға қонғасын...
Бейбіт аспан көкжиектің
Көмкереді көбесін,
Жер тандыры кеуіп қалған,
Шытынап тұр демесін.
Қырау келер қытымырлау,
Демі үскіріп жер бетін,
Жасартсын деп бүркіп өтем
Ақ жаңбырым келбетін.
Қара жер деп - табан асты
Жер ананы сөкпеңдер!
Күн - шұғыла, жаңбыр - нәр боп
Құлпыртады көктем кеп!