Өлең, жыр, ақындар

Ойын туралы ой

  • 31.12.2021
  • 0
  • 0
  • 931
«Қақпақыл» деген ойын бар,
сенбесеңдер қойыңдар.
Қақпақылдың білмеймін,
аты қалай қойылған.
Емес, сірә есею – тойғандықтан ойынға
Ойынқұмар басымыз, болып алды ойқұмар...
Кірмей қоймас тегінде, дені сауға ес-ақыл
Көріп жүрміз алайда, тым ересек адамдар
Ойнағанын қақпақыл.
Тәсіл бөлек, ойын да бала кездей тұтанбас.
Қақпақылға жарап тұр
мендігі жоқ кеуде мен ойдан ада жұтаң бас.
Ойсыз басқа, шынында
ойнамаса не қалды?
Ойнауды ерсі көрмей-ақ,
ойыншыққа айналды.
Тегін емес, әрине – ақыға ойнар үлкендер,
Еркің сенде, өзің біл – сынасаң да күлсең де:
...Бала-шаға, қарттар бар...
қарын қамы, білгенге...
Үлкендердің ойыны –
шаң жұтпайтын «таза ойын».
Жүгірмейді далаңдап,
аунамайды алаңда,
Ұпайға емес, бірақ та
Мәз болады «ойыннан»
жүргеніне аман қап.



Пікірлер (0)

Пікір қалдырыңыз

Азынап жел соғар арқадан

  • 0
  • 0

Азынап жел соғар арқадан,
Қалтырап, көңіл де сарқады ән!
Жынойнақ секілді ойранмын,
Таң ата көп пері тарқаған.

Толық

Халқым қалың жұрт атанса

  • 0
  • 0

Халқым қалың жұрт атанса,
Мен бір жалаң тінімін -
дәрежесі көкпен талас
хақ тұғырлы халқымның,

Толық

Бәріміз де жендетпіз

  • 0
  • 0

Таспен жардық бір басты,
Сөзбен жардық бір басты.
Бабам салты көміліп,
Қасиетімді құм басты...

Толық

Қарап көріңіз