Сәби жыр

Жүректен түледі сәби жыр
Тілеуін тілеп ем жер-көктен.
Шуағын сіңіріп әлемнің,
Бес қадам ұзады еңбектеп
Балғын жыр жөргектен...
Күнгей тау – Алатау,
бетке алды өзіңді тәй-тәй жыр,
сүрініп кетпесін, байқай жүр.
Үмітпен ала жіп мен де ескем,
батаң бер, тұсауын сен кес деп.
Теңізден ұшып ем мен түлеп,
Арман-жыр жол бастап әкелген.
Шың анау – шырқарсың, сенші деп.
...Кешіккен бір керуен келеді
Алатау, өзіңен бата алып,
жыр берген салмақты еншілеп.

---