Рас, таулық емеспін – Қалампыр Кенжеғалиева

«Құзда нең бар еді» деме,
«Таулық емес, деді» деме,
Бір аңыздан оқыған ем:
«Сақтаулы тұр», - деді кеме.
Құз басына таман қалған,
Сол кемеде аман қалған
Құтқарылған лайықты
Тегім білсем, бұл айып па?
Құтқарылған асылдардың
Жұрнағымыз дегім келді,
Сол жұрнақтан сақталса егер,
Бір қасиет – тегім берді.
Набыт етсе көпті топан,
Аман қапты нысаптылар,
Қалды ма екен қазір содан,
Ұрпақтары ұқсап туған?
Айтуынша жазбалардың,
Топан жапқан жер ұқсайды,
Шел қаптаған көз ұқсайды,
Сереңдеген көлеңкелер
Бізден гөрі көп ұқсайды.