Найзағайлар оянады бір түнде

Найзағайлар оянады бір түнде,
Ғалам толып таңғажайып күркірге.
Шулы дауыс арасында аптығып,
Айтарыңды айт, жүрегім, іркілме.
Шулы дауыс арасында аптығып,
Армандар тұр салтанатпен сап құрып.
Жарқыраған үзік-үзік шамдарын
Асыл ойдың діңгегіне жатты іліп.
Балбыраған балаң ойлар көп-көрім
Даналыққа ұсынады кеп төрін.
Еркіндігін табу үшін қалықтап,
Жүрегімді жарып ұшты кептерім.

---