Карги гого

Бұл бетте «Карги гого» атты Тайыр Жароков жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 10.07.2022
  • 0
  • 0
  • 737
Карги гого, карги гого,
Қарама сен қадалып,
Қара көзің мірдің оғы,
Жүрме жанды жара қып!
Көріктенген кезің сенің,
Кім қызықпас өзіңе,
Мөлдір қара көзің сенін, –
Құралайдың көзі ме?..
Карги гого, көріктенген
Өзге қыздан басқасың,
Қара шашқа көрік берген
Бес тал күміс ақ шашың.
Көзіңнен жан от алатын
Көркейтіп тұр шаш сені,
Анико деп аталатын
Атың қандай жақсы еді?!
О, Анико! – карги гого,
Ұзын қара кірпігің,
Карги гого, көрдім неге,
Кірпігің от бүркуін?..
Көз қиығын қадағаның
Қазір маған керек пе,
Неге көзді кеш қададың,
Оғыңды атып жүрекке?
Сен грузин сұлуысың,
Мен қазақтың ұлымын,
Жаралсаң да сүю үшін,
Қадама көз қиығын?!


Пікірлер (0)

Пікір қалдырыңыз

Жиі қойылатын сұрақтар

Карги гого өлеңінің авторы кім?

Тайыр Жароков — осы өлеңнің авторы.

Карги гого өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Карги гого өлеңі не туралы?

Бұл өлеңде Тайыр Жароков өз ойы мен сезімін көркем түрде жеткізеді.

Карги гого өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері