Өлең, жыр, ақындар

Тыңдағаны арзан ән

  • 13.01.2022
  • 0
  • 0
  • 627
Тыңдағаны арзан ән,
Талықсыған тар заман.
Жүрген кезде жағалап,
Құлататын жар жаман.
Ұмытылып тәңірі,
Қопарылып тамыры,
Кімге барып жетеді
Замананың зар үні?
Уайым болған қара бас,
Көбі аш құрсақ, жалаңаш.
Жанталасып, жан беріп,
Бір-біріне қарамас.
Арман қайда? Алыста...
Жаңқа ағады ағыста.
Қарамайды бауырың,
Бұрылмайды таныс та.
Жүгіреміз дәм іздеп,
Зырылдаймыз бақ іздеп.
Қалталылар мақталды
Нағыз адам, нағыз... деп.
Жүдетеді жоқшылық,
Іздетеді тоқшылық.
Қалтасы тоқ адамдар
Ел алдына көп шығып.
Алған қарыз састырып,
Үстем тұрып жас түрік.
Дарынды емес, қарынды
Кітабын тез бастырып.
Ақшалы тұр оңымда,
Ақшасыз тұр солымда.
Билік пенен дүние
Ақылсыздың қолында.
Байда ғана өкімет,
Қуыршақ адам көкірек.
Желмен ұшып барады
Қайран өлең жетімек.
Ақшаға арын жалдаған,
Бірін-бірі алдаған,
Шошынамын мен сенен,
О, зар заман, зар заман!



Пікірлер (0)

Пікір қалдырыңыз

Сені көрдім өмірдің ауласында

  • 0
  • 0

Сені көрдім өмірдің ауласында,
Жарқыраған күн тұрды тау басында.
Сұлу бейнең сурет боп дірілдеді
Шыр айналған құдықтың қауғасында.

Толық

Не боп кетті дүние, не боп кетті

  • 0
  • 0

Не боп кетті дүние, не боп кетті,
Қу тіршілік аямай дедектетті.
Ауыл жақтан сағынып келген досым
«Қош» деместен еліне жөнеп кетті.

Толық

Келдің бе тағы, әз наурыз

  • 0
  • 0

Келдің бе тағы, әз наурыз,
Жаныма менің нұр жағып.
Жүректің терең түбінде
Жылтырап бір от тұр жанып.

Толық

Қарап көріңіз