Ақұштап Бақтыгереева‎

Ауылдың тентек ұлдары

Бұл бетте «Ауылдың тентек ұлдары» атты Ақұштап Бақтыгереева‎ жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

28.11.2015
0
0
5902

Әр үйдің бір-бір нәні едік,
Ақылға өзге көнбейтін.
Бәріміз онда бала едік,
Ұл-қыз деп ешкім бөлмейтін.
Таласа кешіп көлдерді,
Жарыса шаптық жолдармен.
Бұл күнде мінез өзгерді
Сотқарлық бірдей болғанмен.
Ғашықтық алғаш жырларды,
Жазатын бізге арнап көп,
Ауылдың тентек ұлдары,
Жүрсіңдер бүгін солдат боп.
Шинелін киіп атаның
Жалына тұлпар жеттіңдер.
Толтырып аға қатарын,
Әскерге сендер кеттіңдер.
Қағысып қатар өскен ек,
Ендігі сырды қызғандық.
Қызғалдақ гүлін кестелеп,
Орамал тігіп біз қалдық.
Қол бұлғап шықтық қырларға,
Кең дала жатты жап-жазық.
Шығарып салған ұлдарға
Жолдадық сәлем хат жазып.
Шығыстың өткір ызғары,
Табаннан өте бастады.
Жүрсіңдер ойлап қыздарды,
Достарым, менің достарым.
Ғашықтық алғаш жырларды,
Жазатын бізге арнап көп,
Ауылдың тентек ұлдары,
Жүрсіңдер бүгін солдат боп.

Ауылдың тентек ұлдары Ақұштап Бақтыгереева‎ Ақұштап Бақтыгереева‎ өлеңдері Ақұштап Бақтыгереева‎ өлеңдері

Пікірлер (0)

Пікір қалдырыңыз

Жиі қойылатын сұрақтар