Гүлнәр Шәмшиева

О, менің жаным, шарап ішкен бе

Бұл бетте «О, менің жаным, шарап ішкен бе» атты Гүлнәр Шәмшиева жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

15.01.2022
0
0
855

О, менің жаным, шарап ішкен бе,
Жәннәт гүлінен ала түскен бе?
Мың найзағаймен дос болып алдым,
Мың есе күшті, қара күштен де.

Бұл халім – елді тербеген халім,
Иләһи сазға шөлдеген халім.
Қара көңілдерді ағартсам, енді,
Дүлей боран боп, селдеген қарым!

Тентек өзендей, тентек едім-ау,
Шам жағайыншы, шері көп еліме-ау!
Домнадан шығып, келген кезімде,
Жүректеріңді өртеп едім-ау!

Көңіл тоқыны толқыған еді,
Жанның жарқылы шарпыған еді!
Қылуетке салып, қыршыныңды
Жеткіздің, қайта, халқыма мені!

Тауға сыр шашып, жерге гүл шашып,
Жүремін, ылғи, көңілім тасып.
Жахан дала – жарығымды ал,
Жарығы алапат – жарымес ғашық!

Гүлнәр Шәмшиева о менің жаным шарап ішкен бе Гүлнәр Шәмшиева өлеңдері

Пікірлер (0)

Пікір қалдырыңыз

Жиі қойылатын сұрақтар