Өлең, жыр, ақындар

Жалғызым сен

  • 15.01.2022
  • 0
  • 0
  • 1058
Тылсымдағы тереңіңе қарай алсам, келермін,
Иләһи қызметіңе жарай алсам, келермін!
Бойымдағы арамшөптен ада болсам, келермін,
Жырым, Жалғызым - Сен!

Жасыл шығып, жердің төсін жайнатқанда келермін,
Мөлдір көлге сүтін төгіп, Ай батқанда, келермін!
Алтын ғасыр алтыбақан ойнатқанда келермін,
Нұрым, Жалғызым – Сен!

Көкжиектен жарқ еткенде – мың найзағай, келермін,
Дүниеге көңілімді бір байламай, келермін!
Періште-әуен сыңсытқанда, сырнай-сарай, келермін,
Пірім – Жалғызым Сен!

Сен көктеткен мың қызғалдақ – алауласа, келемін,
Жаратқанның әмірі мен қалауы боса, келемін!
Ишқ-шарап жұтып, бір күн, таң аунаса, келемін,
Күнім – Жалғызым Сен!



Пікірлер (0)

Пікір қалдырыңыз

Сағынышым – сен ғана

  • 0
  • 0

Тау тылсымын жаным көрді – тылсымымыз тым ұқсас,
Жасылымды жаяйыншы, - босат мені, құлыпты аш!
Қара еді, ағарыпты – су астында тұрып тас,
Сағынышым – сен ғана!

Толық

Ей, қазағым, көзіңді аш

  • 0
  • 0

Пәк жүректер мұхиты – толқынданып барады,
Дүниеге қыс түсіп, салқын болып барады.
Тажал – сұмның қолында халқым қалып барады,
Ей, қазағым, көзіңді аш!

Толық

Сенің қалауың

  • 0
  • 0

Қан түсті киді, гүл біткен бүгін – сенің қалауың,
Шабытқа мінді, жыр күткен күнім, сенің қалауың!
Нұрлар құйылды, түңдіктен, бүгін – сенің қалауың,
Сенің қалауың, Ием, сенің қалауың!!!

Толық

Қарап көріңіз