Қатира Жәленова

Өнер өлсе

Бұл бетте «Өнер өлсе» атты Қатира Жәленова жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

17.01.2022
0
0
756

Қалам
Қарын тойғызбасын ұғамын,
Ұға тұра,
Жазылады жыр-әнім.
Жасағаннан
Халқыма құт-береке,
Қаламыма
Ұзақ ғұмыр сұрадым!
Заман басқа,
Қоғам өңін өзгерткен,
Бәрі өтпелі екеніне
Көз жеткен.
Ақын – тұлға,
Өлең – өшпес мұра деп,
Өнеге қып
Өрекпіген кез де өткен...
Өнерді де
Тәуелді етіп өзгеге,
Ұқсаттық па
Қолын жайған кезбеге?..
Өнер өлсе,
Болады ғой ел жетім,
Жоқ осыны
Көретұғын көз неге?
Қалам
Қарын тойғызбасын білемін,
Біле тұра
Қалам түртіп жүремін.
О, жаратқан,
Өмірімнің өрнегі –
Сәби-өлең өлмесе екен,
Тілегім!

Қатира Жәленова өнер өлсе... Қатира Жәленова өлеңдері

Пікірлер (0)

Пікір қалдырыңыз

Жиі қойылатын сұрақтар