Өлең, жыр, ақындар

Жыр – шынарлары

  • 17.01.2022
  • 0
  • 0
  • 735
Күләш пен Қайырбекке

Махаббатын сақтаған бойында нән,
Жойқын сезім
Әлі күн жойылмаған.
Өзі де ақын болғасын Қайырбегі
Мықтылығын Күләштің мойындаған.
Мойындаған
Күләштің ірілігін,
Әбділда Тәжібаев та күні бұрын.
Айдынына қондырып жыр-аққуын,
Аялайды қарсы алып Сыры бүгін.
Жаны таза, бейкүнә баладайын,
Көңілі дархан кең байтақ даладайын.
Қос ақыны қазақтың маңдайалды,
Бөле жарып екеуін қарамайын.
Сұлу таңды қарсы алып шапақ атқан,
Қос жүректен жыр-бұлақ қатар аққан.
Елін, жұртын сүйді олар от-сезіммен,
Жаралғандай мәңгілік махаббаттан.
Жырға қосып жұртының мұң-арманын,
Қуанышын,
Қайғысын,
Ұғар бәрін...
Қашан болсын
Тұрсыншы тұғырлы боп,
Шыңға біткен осынау шынарларым!

2005 жыл



Пікірлер (0)

Пікір қалдырыңыз

Қаралы қоңыраулар

  • 0
  • 0

Бұл арада қайғы-зар, аңырау бар,
Көкірегіңді күйдіре жалын аунар.
Түтіні өшкен
Әр үйдің мұржасында

Толық

Гүл – қыздар

  • 0
  • 0

Жалындаған жас қыздар,
Жастығына мас қыздар.
Сендер жүрген жерлерден
Мұң ығысып, қашты ызғар.

Толық

Алғашқы мұғалім

  • 0
  • 0

Бастау алып білімнен тұма-жырым,
Сыңғыр-сыңғыр шығарып бұлақ үнін,
Шөлін басса халқымның,
Сізге алдымен

Толық

Қарап көріңіз

Пікірлер