Өлең, жыр, ақындар

Еңлікгүлі – Алмагүл

  • 17.01.2022
  • 0
  • 0
  • 817
Алмагул Божановаға

Өзгеріске толағай жол ашатын,
Орнағанда тәуелсіз жаңаша күн.
«Нұр Отанға» қосылып нық сеніммен,
Елбасының ұстанған саясатын.
Ат үстінде жүрсе де шаршамаған,
Хабары бар сауатты әр саладан.
Шаруасын жаңғақша шағып тастап,
Шығарады алдынан қаншама адам.
Тәуелсіздік жолында жастанған мұз,
Мұзды ерітер от көрдік жастардан біз.
Осы қыз ғой егемен ел болғанда,
Екі ауданды қосып ап басқарған қыз.
Тыным таппай күні-түн жұмысында,
Жұртты ұйытып ұстаған уысында.
Сүрінбеген, жүрегі бүлінбеген,
Үгілмеген түскенде ірі сынға.
Әйелге тән ибалық-реңінде,
Имандылық ұйыған жүрегінде.
Алуан түрлі қасиет бір өзінде,
Қайраткер бар осындай Сыр елінде.
Ел жүгінің қашанда салмағы мың,
Үлкен үміт жүктейді алдағы күн.
Көп сенімі көтерер көкке дәйім,
Сырда туған қазақтың Алмагүлін!

2006 жыл



Пікірлер (0)

Пікір қалдырыңыз

Сенің әнің

  • 0
  • 0

Оралмай жүрген жазым ең,
Таба алмай жүрген сазым ең.
Жолықтың маған ғайыптан,
Бұлбұлым жарқын наз үнмен.

Толық

Ескі досқа

  • 0
  • 0

Жастықтың бірге өткізген
Қызғын күнін,
Мен ем ғой
Қасыңдағы қыздың бірі...

Толық

Алтыбақан басында

  • 0
  • 0

Түсірді де
Балдай тәтті күнді еске,
Сезім қылын дірілдетті-ау
«Гүлдесте.»

Толық

Қарап көріңіз