Өлең, жыр, ақындар

Сеніміңнен айырылма

  • 17.01.2022
  • 0
  • 0
  • 510
Бұл өмірде
Армансыз кім бар екен?
Жанарыңда
Сенің де мұң бар екен...
Өз тағдырым секілді
Жаным сыздап,
Жүрегімді ауырттым мұңға бөтен.
Деп едің ғой
Махаббат,
Бақ табамын,
Өкінішті-ау
Әлі күн таппағаның...
Жаныңды ұғар
Жақсы адам жолықса деп,
Жабырқаулы жүзіңе көп қарадым.
Алдыңда әлі
Өмірдің сынақтары, ұқ,
Сынақтан өт күш-жігер,
Қуат тауып.
Өмір деген – мұз айдын.
Тайып кетсең,
Тік тұрарсың қайтадан
Құлап барып...
Сан сауал бар
Санаңда ойланар көп,
Бақыт құсы...
Ол да бір айналар кеп.
Жылатпайын,
Қайтадан тұрақтайын,
Мені іздеген
Ғазиз жан қайда бар деп.
Сыйлай алар
Дос-жаран, туысты шын,
Азаматсың
Қайнаған құрыш күшің.
Жақсы адамдар
Бар кезде жер бетінде,
Сен бақытты болуға тиістісің!
Бақ тілейін
Сүттей ақ көңіліммен,
Күйретпесін сәтсіздік сені мүлдем.
Құрмет тұтар өзіңді
Халық барда,
Сеніміңнен айырылма,
Иә, сеніміңнен!



Пікірлер (0)

Пікір қалдырыңыз

Ақша қар

  • 0
  • 0

Жер-көктің бәрі
Аппақ боп ерек.
Көрпесі жердің қалыңдап,
Жамылды шәлі

Толық

Аппақ гүлдер

  • 0
  • 0

Далада қыс.
Аязды қатқақ күн де...
Ай нұрына шомылып
Аппақ түнде,

Толық

Табындырмадың...

  • 0
  • 0

Жүрегімді өртеп
Жалын қыла алмай қойдың ғой,
Еркімді өзіңе
Бағындыра алмай қойдың ғой.

Толық

Қарап көріңіз