Өлең, жыр, ақындар

Ақын

  • 17.01.2022
  • 0
  • 0
  • 648
Томағасын сыпырған,
Қиял құсын ұшырған.
Тас емшегін идіріп,
Сүт шығарған қысырдан.
Ащы терін алғызған,
Арғымақтай қан қызған,
Көңіл атты көк дөнен,
Жер түбіне барғызған.
Артық санап ақшадан,
Ар-ұжданын сатпаған.
Ақсүйектік қанында,
Тектілігін сақтаған.
Уәлі сөзге тоқтаған,
Қорықпаған ноқтадан.
Кем-кетігін түгендеп,
Жұрттың жоғын жоқтаған.
Қайнап шығып қайнардан,
Шарболаттай қайралған.
Шындық үшін от кешіп,
Оққа басы байланған.
Толағайдай алыппыз,
Түнек түрер жарықпыз.
Сүйген құлы Алланың
"Ақын" деген халықпыз.
Руханияттың айнасы,
Қоғамға зор пайдасы.
Зиялыларын іздейтін,
Беу, қазағым, қайдасың?
Қайдасың?!



Пікірлер (0)

Пікір қалдырыңыз

Сен сөйлесең

  • 0
  • 0

О, домбырам!
Сөйлейсің сиқырлы үнмен
Мың тілде сен,
Табасың көңілімнің кілтін де сен...

Толық

Алматыдан оралдым Ақмешітке

  • 0
  • 0

Алматыдан
Оралдым Ақмешітке,
Ақмешітке,
Туған жер талбесікке.

Толық

Қыздарға тілек

  • 0
  • 0

Мезгіл жетпей
Гүл қауызын жара ма,
Уақыт – қатал,
Аяйды деп қарама!

Толық

Қарап көріңіз