Өлең, жыр, ақындар

Жарық дүние

  • 17.01.2022
  • 0
  • 0
  • 682
Мен бүгін
Жаңа туған баладаймын,
Құрысын бәрі
Уайым, нала-қайғың!
Жарық дүние,
Жырыммен,
Шаттық үнмен
Орманыңды,
Тауыңды аралаймын.
Көтеріңкі көңілмен
Асқақ үнді
Бастайын мен
Мақамы басқа жырды.
Іңкәрлікпен сүйейін тіршілікті,
Түнертпесін бұлт ашық аспанымды.
Қуанышын жүректің
Ақтара бір,
Жазайын мен
Көбірек шаттана жыр.
Ауыр ойдан сілкінген
Ақынына
Мейірленсін
Құлпырып жатқан өңір.
Жарық дүние,
Не деген керім едің!
Өзіңе алғаш
Сәби боп келіп едім.
Сәбиің боп еркелеп
Бүгін саған,
Құшағыңа
Армансыз көмілемін.
Шуағы мол
Жап-жарық нұрың қандай!
Сіміремін нұрыңды
Шырын-балдай...
Тіршілік деп соғатын,
Тіршілік деп
Жүрегімде менің бұл
Тыным бар ма-ай?!
Жарық дүние,
Сырыңа қанып келем,
Бірге жасап
Өзіңмен,
Халықпенен
Дәл өзіңдей
Жап-жарық жырларыммен
Адамдардың бәріне
Жарық берем!



Пікірлер (0)

Пікір қалдырыңыз

Тәтті өлең

  • 0
  • 0

Қиялымның
Талмайтын кептері едің,
Бар тілеуім
Өзіңде боп келемін...

Толық

Сен болмасаң

  • 0
  • 0

Қиын-ақ қой
Күн кешу – сенім болмай,
Сәл нәрседен жүдейтін көңіл қандай!
Ақылдым-ау,

Толық

Ұстаз

  • 0
  • 0

Тұтатып сезім – оттықты,
Кеудеме тұтас сыйды Күн.
Ұстазым, ойда жоқ тіпті
Тарттыңыз ғажап сый бүгін!

Толық

Қарап көріңіз

Пікірлер