Өлең, жыр, ақындар

Тәтті өлең

  • 17.01.2022
  • 0
  • 0
  • 1045
Қиялымның
Талмайтын кептері едің,
Бар тілеуім
Өзіңде боп келемін...
Жеткізе гөр,
Шаттығын жүрегімнің
Мұңы басым жандарға,
Тәтті өлеңім!
Отсыз болсаң
Ешкімге жоқ керегің,
Ортаймасын
Қызуың деп келемін.
Жеткізе гөр,
Жалынын жүрегімнің,
Жаурап жүрген жандарға,
Тәтті өлеңім!
Алсын сенен
Таба алса деп керегін,
Сезімімді селдетіп,
Төкпеледім.
Жеткізе гөр,
Лүпілін жүрегімнің,
Ғашық болған жандарға,
Тәтті өлеңім!
Бірге өткеріп
Өмірдің өткел-өрін,
Туған жерде
Бүр жарып көктеп едім.
Жеткізе гөр,
Жан-сырын жүрегімнің,
Өз еліме
Ей, менің тәтті өлеңім!



Пікірлер (0)

Пікір қалдырыңыз

Кеудемнен аққан

  • 0
  • 0

Кеудемнен аққан
Алысып сезім селімен,
Жеңе алмай сорлап,
Толқынға қайта көмілем.

Толық

Апта айларға

  • 0
  • 0

Апта айларға,
Айлар жылға жалғасып
Жаз жылысты,
Сары күзбен алмасып.

Толық

Айтшы, өзің?!

  • 0
  • 0

Өн-бойыңнан бара ма-ау төзім кетіп,
Қос ішекті өксіттің безілдетіп...
Тұнып қалған
Сыр бардай жүрегіңде,

Толық

Қарап көріңіз