Қатира Жәленова

Сезім гүлі

Қазақша өлең мәтіні, өлең жолдары және толық нұсқасы.

17.01.2022
0
0
1010

Көк аспан тұруы үшін
Жер қандай керек болса,
Бұлттардың ығуы үшін
Жел қандай керек болса,
Мәңгі қар жатуы үшін
Шың қандай керек болса,
Ақ таңдар атуы үшін
Күн қандай керек болса,
Маған да керектігін
Сөнбейтін махаббаттың бір!
Ұғуың керек, күнім,
Төгетін шапағат-нұрын...
Көктейді ол мәңгілікке
Өміршең жүрегімде бұл.
Суғарам нәрлі үмітпен
Мағыналы сүремін де өмір...
Шұғылалы сезімдердің
Бөленіп шапағатына,
Толғанған кезімде кіл,
Тарылма, махаббатыма!
Ол барда жыр жазуға
Артады құштарлығым мың.
Қауіп қой қызғану да,
Керек-ақ ұстамдылығың.
Өрілсе жырым керім
Сезімнің абат бағымен,
Жебейді пірім менің
Көгілдір қанаттарымен!

Қатира Жәленова сезім гүлі Қатира Жәленова өлеңдері

Пікірлер (0)

Пікір қалдырыңыз

Жиі қойылатын сұрақтар