Өлең, жыр, ақындар

Арам болған жиырма бес

  • 29.11.2015
  • 0
  • 1
  • 17017
Арам болған жиырма бес
Қызықты күндер қыздырған,
Асау талқан бұздырған.
Қызды ауылды көргенде
Бұлаңдатқан жиырма бес
Төскейден қашқан түлкідей
Сылаңдатқан жиырма бес,
Күлдір - күлдір кісінетіп,
Күреңді мінген жиырма бес,
Күрек тісін қасқайтып,
Сұлуды құшқан жиырма бес.
Іздесең де табылмас.
Кәрілік шіркін не қылмас:
Апта бойыңды баса алмай,
Келін бала келгенде,
Аузыңды аша алмай,
Уақыттың ісі қиын - ды.
Уақытымыз жеткен соң,
Айтып-айтпай немене
Мезгіліміз өткен соң?
Жайнап тұрған қызыл шоқ
Су құйылып өшкен соң,
Жайнап жүрген заманым
Басымнан бүйтіп көшкен соң,
Уақытым жоқ , не айтайын,
Уақытым менің өткен соң,
Мезгіліміз жеткен соң.
Қатты тамақ шайнарға
Мен пақырда тіс бар ма?
Арыстандай ақырған-
Бөденеде күш бар ма?



Пікірлер (1)

Сахлина

Өте керемет өлең.Оны сабаққа өзім көп қолдандым

Пікір қалдырыңыз

Егер шүршіт қаптаса...

  • 0
  • 0

Егер шүршіт қаптаса...
Шүршіт келеді деген сөз бар-ды,
Көктен түскен төрт кітап.
Бұқар жырау

Толық

Қара арғымақ арыса

  • 0
  • 1

Қара арғымақ арыса,
Қарға адым жер мұң болар.
Есіл көзден нұр тайса,
Бір көруге зар болар.

Толық

Арту-арту бел келсе

  • 0
  • 1

Арту-арту бел келсе,
Атан ерлер бүгіліп.
Алыстан қара, шаң көрсе,
Тұлпар шабар тігіліп.

Толық

Қарап көріңіз