Тек осы жер

(аударма)

Сөздерге де, өңдерге де енді ешқашан сенбеймін,
бұдан былай көзім көрмей, ешкімге де ермеймін.
Бұдан былай мына менің өзімде де күмән бар –
сендер де енді мені алдымен отпен, қанмен сынаңдар!
Мені әлі де шошытады пасықтықтың мұз демі,
елестейді мені алдаған адамдардың жүздері.
Жылмың қағып келсеңдер де, енді сенбен достай шын,
мені алдай алмайсыңдар бұдан былай ешқайсың!
Өр мұхиттан басталатын өзім туған кең Үнді,
алдауменен таптадыңдар, топырағымды, елімді.
Мұның бәрін ұғып тұрмын, әттең, әттең, кеш мүлде...
Қаным сіңген, терім сіңген мынау байтақ жерімді
бұдан былай таптатпаймын ешкімге!

СУБХАС МУККЕРДЖИ

---