Үрей

(аударма)

Жүрегім, қарадың ба
артыңды
шындап, тегі?
Біреу бар, жаңа мұнда
шақырды
ымдап мені.
Сенбісің? Бұл сен бе едің?
Құйындар жүр сенделіп.
Ай-шалғы қадалады.
Сенбісін, табынғаным,
ұнатқан, сағынғаным –
ерем бе саған әлі?
Заңғар көкке жол шегіп
әрі ұшайық.
Теңіздерде өртеніп
табысайық.
Құс қанат құйындарым,
жаныма жиыл бәрің,
қанат бер - қалғымайын!
Шаттанып, толып-тасып,
өзіңмен қол ұстасып,
сүйіктім, қалжырайын!
Отына тажал қыстың
крестің - ажал күштің
өртеніп жануы үшін,
тоқтамай құз-шыңдарға
жұлдызды тылсымдарға
оқ болып ағу үшін
бер маған құс қанатын!

АЛЕКСАНДР БЛОК