Шөмішбай Сариев

Айналайын, Алматым

Бұл бетте «Айналайын, Алматым» атты Шөмішбай Сариев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

13.04.2022
0
0
1016

Әлем көрдім, жер көрдім,
Талай-талай ел көрдім,
Көрдім талай шаһарды,
Тебірендім тербелдім.
Алатауым – Алматым,
Қайта оралып мен келдім.
Токиода із қалды,
Стамбулға жүз бардым,
Париж көрдім,
Көрдім анау Берлинді,
Көрдім талай астана,
Көрдім талай елдерді.
Жер жаһанда жол қалды,
Жүрек талай толғанды.
Бардым, көрдім,
Прага мен Делиді,
Көрдім талай астана,
Талай шаһар төріңді.
Лондон бардым,
Рим бардым,
Бәріне де таңқалдым,
Бірақ менің жәннатым,
Ұшсам биік қанатым,
Саған мәңгі жетер ме,
Айналайын,
Алматым!

Шөмішбай Сариев айналайын алматым Шөмішбай Сариев өлеңдері

Пікірлер (0)

Пікір қалдырыңыз

Жиі қойылатын сұрақтар