Өлең, жыр, ақындар

Жеңімпаз

  • 29.01.2022
  • 0
  • 0
  • 1444
(аударма)

Төрт жылғы соғыс жанына
салғанмен талай жараны,
орыстың жері тағы да
гүл атып, бүршік жарады.
Жерлерде кеше сабылған
ұрыспен кешіп сан айды
жас гүлдер шыққа малынған
дірілдеп бүгін қарайды.
Найзағай өткен жерлерде
тілгілеп түннің түндігін
күл болған құмды белдерде
қалалар өсіп тұр бүгін.
Бетке алып үйін бөктермен
сүрапыл жанын сынаған
ерлікті бастан өткерген
келеді орыс - ұлы адам.
Құтқарып әлем тірлігін
қалды өзі ажал торынан.
Дүние арнап жыр, гүлін
тосады оны жолынан.
Дұшпанды талай жер жұтты,
моласы сонау қалған мың.
Ол біздің өшпес ерлікті
есіне салар жаулардың.

МИХАИЛ ДУДИН



Пікірлер (0)

Пікір қалдырыңыз

Ақбөбек жырлары

  • 0
  • 1

Дала, менің жеңешемдей
кетіпсің ғой құлпырып тым!
Маған пәлен демесең де,
жанарыңда нұр тұнып тұр.

Толық

Сәкеннің ұлы

  • 0
  • 0

Күн кешіп келеді елім былағайлы,
тумады бізге әйтеуір күн арайлы.
Мариям – ақын апам марқұм маған,
айтып еді жылап тұрып мына жайды.

Толық

Мексика

  • 0
  • 0

Өзендердің сағасын,
Теңіздердің жағасын
Мекендеген халықтар не заманнан.
Көкірегін Жердің еміп өтсем деп,

Толық

Қарап көріңіз

Басқа да жазбалар