Өлең, жыр, ақындар

Ұлағат

  • 19.02.2022
  • 0
  • 0
  • 1094
Дүниенің болады өлшемі –
өлшеусіз нәрсе бар деме.
Керелендірер түбі ол сені –
араныңды ашпа әрнеге.
Улайды қарғыс көз-көре,
жебедей түзу жолы анық.
Жазықсыз жанды көздеме –
өзіңді түйрейді ол анық.
Жамандығың жұтқа істеген
кетпейді ауада жоғалып.
Сол қуат, сондай күшпенен
өзіңе келеді оралып.
Өлшеусіз болмас байлық та,
өлшеулі сөз де, пиғыл да.
Тегін берді деп май жұтпа:
ақ тілегіңді сый қылма.
Жақсылығың үшін жасаған
қарымына сыйлық дәметпе –
ниетсіз берген ас арам,
ішпе – түсесің әлекке.
Мақтама өзің өзіңді,
жұрт айтсын жақсылығыңды.
Өмірде дана сөз – үлгі,
әлемдей өмір ғұмыры.
1993



Пікірлер (0)

Пікір қалдырыңыз

Нарын

  • 0
  • 0

Таңдары құм Нарынның алтындаған,
күмістей құмдары бар жарқылдаған.
Кешегі ерлер жортқан құба жонда
асқақ күй, аспандаған ән тыңдағам.

Толық

Сағындым, аға, сізді

  • 0
  • 0

Ардақты әке, асыл жар жанұяға,
сіздей адам болса ғой әр ұяда…
Біз қиналсақ, "қарағым" деуші едіңіз,
жүрмін Сізді сағынып, Әди аға!

Толық

Жүрші, жаным

  • 0
  • 1

Жүрші, жаным,
сапарларға шығайық, құлшынамын.
Кең далаға үйренген қайран басым,
мынау күңгірт бөлмеде тұншығамын.

Толық

Қарап көріңіз