Өлең, жыр, ақындар

Баттың деп бекер зар-мұңға

  • 23.02.2022
  • 0
  • 0
  • 714
Баттың деп бекер зар-мұңға
қиялыма менің таңданба:
қасқайып тұрып алдыңда
қаһарын төгер жан бар ма?
Қылышпен берер, келсе емін
айдаһар тектес арланға,
қаймықпай келіп:
«Мен сенің
жауыңмын!» – дейтін жан бар ма?
Дуылдап шулы жұрт тарап,
екеуден-екеу қалғанда,
көзіме менің тік қарап:
«Пасықсың!» – дейтін жан бар ма?
Қылмысқа батып мына мен,
қыспаққа халық салғанда,
«Бір күліп, бірге жылап ем,
құтқарам!» – дейтін жан бар ма?
Аңғалдығымнан құладым,
жаманатты болып жалғанға,
саңқ етіп жұртқа: «Бұларың –
қиянат!» – дейтін жан бар ма?
«Пәле ғой тұрған бұл бір»… - деп,
мұныма, достым, шамданба:
есікке қарап міңгірлеп,
күн көру жағын қамдан да!
1985



Пікірлер (0)

Пікір қалдырыңыз

Балықшы қыздың әні

  • 0
  • 0

Асыр сап өстім ерке көк теңізде,
Жап - жас қыз – балықшы! – деп, сөкпеңіз де!
Алыссақ асау толқын құшағында,
ерігіп жүргеміз жоқ текке біз де.

Толық

Жантолының монологы

  • 0
  • 1

Ей, ақындар, серілер!
Отырсыңдар ма алқалы топқа сөз маржандарын тізбектеп,
бұл дүниенің мықтылары деген біз деп тек.
Әр жерден жиған «асыл» ойлары таусылып қалған жоқ па деп,

Толық

Киелі кәрі Питер - өнер жері

  • 0
  • 0

Киелі кәрі Питер - өнер жері,
сезімдей ақ түндердің өлең-демі,
есен-сау жүсіңдер ме, Жамбылымның
жыр еткен ленинградтық өрендері?!

Толық

Қарап көріңіз

Басқа да жазбалар

Пікірлер