Өлең, жыр, ақындар

Алаңға шық, ағайын!

  • 17.09.2021
  • 0
  • 0
  • 358
Көшеде,
Тар қуыста – қалтарыста
Тақаспа, тайталаспа, арпалыспа!
Ағайын, абыржымай Алаңға шық,
Айтуға Ақиқатты арқа қызса.
Халқыма қайғы, реніш, мұң келерде,
Болмайды ойға – қысым, тілге – керме.
Ағайын, алдыменен Алаңға жет,
Алқынып сөйлеу үшін мінбелерде.
Тудырса тыныш күнде заман қайғы,
Айтуға – Елің, Жерің, Далаң жайлы.
Айтуға Ар-намыстың ақтық сөзін
Адамзат Алаңына алаңдайды.
Емес ол ескі базар, би алаңы,
Үлкен Үй – Үкімет Үй зиялы әлі...
Айтуға ақиқатты күн келгенде
Ел-жұрттың басын қосар қиядағы.
Тудырар мың күн қырсық бір күн егес,
(Жөні жоқ айқайлаудың жыртып өңеш).
Алаңда адал сөзді айту үшін
Рұқсат берілмеуі мүмкін емес!
Жүректің орын болмай сызатына,
Түспейік өкініштің біз отына.
Алаңда әділеттің туын тігіп,
Әмәнда жол бермеңдер бұзақыға.
Өртеніп от түскенде өзектерге,
Тек қана әділдікті сөз еткенде.
Алаңға андағайлап тартады жұрт
Намысы шыдатпаған мезеттерде.
Бірлесіп, қол ұстасып қадам басып,
Көрсетіп көңіліңді адал, ғашық.
Тағайын тілегіңді айту үшін,
Ағайын!
Алаңға шық, Алаңға шық!



Пікірлер (0)

Пікір қалдырыңыз

Осы күні елге барсаң дүлдүл бар

  • 0
  • 0

Осы күні елге барсаң дүлдүл бар,
Сағынышын білдірмейді құрғырлар.
Дәмін тосып әлек болған ағаң бар,
Әнін қосып әлек болған құрбың бар.

Толық

Қош, қайран Кеңшілігім!

  • 0
  • 0

Атыңнан да көрініп тұр кеңдігің,
Ақын едің,
Ең талантты, ең мығым.
Көз нұрымен, сөз – жырымен қарық қып,

Толық

Құс базары

  • 0
  • 0

Жібек желін жаз үрлеп,
Бір басылып, бір тынып...
Көлден ұшқан қаз-үйрек
Айрылады жыртылып.

Толық

Қарап көріңіз