Өлең, жыр, ақындар

Көрген емес жанымды жасқап елім

  • 23.02.2022
  • 0
  • 0
  • 1129
Көрген емес жанымды жасқап елім,
мүмкін жасқамағаннан асқақ едім.
Дұшпаным жоқ жырымды көре алмаудан
жек көретін жандардан басқа менің.
Ондайларды түртеді үнім шаптан,
(шындық кейде қауіпті ұрыншақтан).
Жауласамын өзім де жандарменен
тілін сатқан, халқының жырын сатқан.
Қызықтырмай өзгенің атақ, әні
жүргенімнен көп уды татам әлі.
Досын сатқан жандардан жиіркенемін,
Отанын да ондайлар сата алады.
Ұқтым мен де көп жанның күй-дастанын:
көргеніңмен жанашыр, сыйлас бәрін
мүддесі үшін өзінің бір жаманға
айырбастар кешегі қимастарын.
Жандар қанша күлкісі де шектеулі,
біледі олар тасадан кесектеуді.
Жанашырлық түгілі, ондайлардың
кіммен сәлемдесуі – есептеулі.
Көрінгенмен бәрі де пәк тұлғалы,
аппақ емес шынында ақтың бәрі.
Бұлт шалғанда басыңды көрінеді
адамдардың адалы, сатқындары.
1982



Пікірлер (0)

Пікір қалдырыңыз

Сені іздедім

  • 0
  • 0

Жанымда сен жүргенде
дүниеден табылғандай ең керегім,
шаттықтың толқынында тербелемін.
Адамдар армандайтын бақыт деген

Толық

Тауда

  • 0
  • 0

Кеше мен тауға шықтым,
жұпарын жұттым қанбай.
Шыңдарға жармасып Күн,
биікті ұқтырғандай.

Толық

Ленин туралы ода

  • 0
  • 0

Революция қырықта.
Дәл қырық жыл жанғанына
жердегі бар үміттің.
Осынау жас - кемел шағы жігіттің.

Толық

Қарап көріңіз