Өлең, жыр, ақындар

Қару байлап, қол бастап

  • 23.02.2022
  • 0
  • 0
  • 1360
Қару байлап, қол бастап,
көзін тігіп жонға асқақ,
аузында – ел, зор мақсат
ерліктерге оқталған
болмысында батылдығы жоқтардан
батырлықты күтпе сен!
Шешенсіген алқынып,
қанында жоқ қасиетке талпынып,
ақылды сөз айтамын деп шарқ ұрып,
арыстан да, данышпан да өзі боп,
ары жағында өзіндік бір сөзі жоқ
«ақылдыдан»
даналықты күтпе сен!
Дос қамы мен бас қамы
ұмыттырып басқаны,
биліксіздер – жасқары,
адалдықты айырбастар шеніне
адамдардан
еліңе
ағалықты күтпе сен!
Халық мұңын шерткен боп,
елге жауды тепкен боп,
халық атын, абыройын жамылып,
мансабы мен атағы үшін басының
сатуға әзір асылын
адамдардан
адалдықты күтпе сен!
…Мейлі менің кете берсін жұртта есем –
мұндайлардан бас жібімді күрт кесем!
1984



Пікірлер (0)

Пікір қалдырыңыз

Мәңгі шар шыжғырады

  • 0
  • 0

Мәңгі шар шыжғырады,
көздейді сор даланы.
Таппайсың сыз – жыраны,
жансыздай шөл жамалы.

Толық

Жүргенім-ай

  • 0
  • 0

Жүргенім-ай
ештеңені, ешкімді сағына алмай
(сағынышсыз тірліктің мәні қандай?!).
Жүрегімде жараның табы бардай.

Толық

Василиса туралы аңыз

  • 0
  • 0

Киев атты шаһардың алабында,
Владимир князьдың заманында
Боярлар мен князьдар құрметіне
Ұлан-асыр той болды жаңа жылда.

Толық