Өлең, жыр, ақындар

Лирика сені көрдім

  • 13.04.2022
  • 0
  • 0
  • 603
Лирика сені көрдім,
Жыршының термесінен,
Домбыра пернесінен.
Лирика сені көрдім,
Ерекше жаратылған,
Аққулар қанатынан.
Лирика сені көрдім,
Ақша бұлт мамығынан,
Дүние жарығынан.
Лирика сені көрдім,
Жігіттің намысынан,
Дариялар ағысынан.
Лирика сені көрдім,
Ақынның өлеңінен,
Теңіздің тереңінен.
Лирика сені көрдім,
Сарыарқа самалынан,
Сәбидің жанарынан.
Лирика сені көрдім,
Жер жаһан жолдарынан,
Өмірдің орманынан.
Лирика сені көрдім,
Балауса бесіктерден,
Күмбезді мешіттерден.
Лирика сені көрдім,
Төгілген бақ басынан,
Қария ақшашынан.
Лирика сені көрдім,
Нәресте іңгасынан,
Таулардың шың басынан.
Лирика сені көрдім,
Ағысты бұл өмірден,
Өзімнің жүрегімнен!..



Пікірлер (0)

Пікір қалдырыңыз

Есіл

  • 0
  • 0

Ақын болып жаратылдым не үшін мен?!
Бүгін алғаш амандастым Есілмен.
Бас иеміз дәл осы бір өзенге,
Келіп жеткен астаналық көшіммен.

Толық

Өнер құдіреті

  • 0
  • 0

Емдетпеген ем қалмай,
Емші іздеген ел қалмай,
Құтыла алмай ажалдан,
Тәрк етер тағын да,

Толық

Есімің де әйгілі

  • 0
  • 0

Есімің де әйгілі,
Ел ескерген
Аға едің,
Ақыл айтып кеңес берген:

Толық

Қарап көріңіз