Өлең, жыр, ақындар

Майға бөккен маңғаз

  • 04.04.2019
  • 0
  • 0
  • 2854
Жүрекке бүйрек бір күн мақтаныпты,
Қалдырмай ойдағысын ақтарыпты:
— Сен мені жүрсің, достым, жақсы ұғынбай,
Көрдің бе жамылғым май, жастығым май.
Жазы - қыс жаным тыныш, майға оранып,
Жатырмын бар байлықтың бастығыңдай.
Атақты "бітеу " біткен атым бүйрек,
"Жатпаған майға оранып күнім сирек,
Жұмсауға керегіне алса біреу,
Алады шарбы майдан әрең сүйреп! —
Дегенде жүрек тұрды шамырқанып,
Бүйректің бұл сөзіне таңырқанып:
— Құр сыртың жылтыраған, байғұс бүйрек,
Қолы емес, пышағының ұшы түйреп
Ұсынып отыратын балаларға,
Емес пе ең, мақтанасың бүгін бүй деп.
Мен болсам майды оранып, жастанбай-ақ,
Аралап қан - тамырды бастан-аяқ,
Қолқадан кіріп, жұлын, миды шолып,
Біреуін қалтарысқа тастамай-ақ,
Жүретін тіршіліктің тірегімін,
Сондықтан жұрттың сүйер жүрегімін,
Қол үзген бар өмірден майға оранып,
Сыртыңнан аяп сені жүр едім мен! —
Деген сөз айтылса да жайлап қана,
Бүйрекке майға оранған арнап дара,
Жылы орын, жайлы төсек иелері,
Сендер де жүрек сөзін ойлап қара!



Пікірлер (0)

Пікір қалдырыңыз

Танаубай мен Балаубай

  • 0
  • 0

Біреу мал, біреу бал жесе,
Біреу қазы мен қарта, жал жесе,
Біздің Танаубай минут жейді.
Балаубай оны былай суреттейді:

Толық

Ол чепуха — түк те емес

  • 0
  • 0

Құлеке колхоз бастығы,
Дей алмас ешкім құнтты емес,
Болып жүр бітік астығы,
Жүз мыңдап жұмсау түк те емес.

Толық

Н... келінге

  • 0
  • 0

Күнде үйіңнен шығасың ширатылып,
Қалсын дүниең бәрі бір қиратылып.
Қазаныңның қақпағын итің жалап,
Қасықтарың, жатады қиға асылып...

Толық

Қарап көріңіз