Өлең, жыр, ақындар

Жыл жаңарды, көңілім, жаңар менің

  • 23.02.2022
  • 0
  • 0
  • 956
Жыл жаңарды, көңілім, жаңар менің,
тарылғандай айналам, алар демім.
Қыстығумен күй кештім қаншама күн,
осы ма еді қыспаққа салар жерің?
Көңілімді құрсаулап қатпар мұңдар,
өлеңімде шаттық аз – жатқан бір зар.
Қайран жігер, қайдасың, тілеулес ең,
тұншықтырған кеудемді батпан зілді ал!
Жарасым жоқ, жалғанның сәні кемдей,
Анау аспан, Күн мен Ай – бәрі жердей.
Көзі біткен құдықтай, қалды жұртта
сезіміме санамның әлі келмей.
Сағынышым үстеді үміт келмей,
жылу жоқтай мұздарды жібіткендей.
Сыңар езу сезімге мінгесіп ап,
кетті ақыры көңілім ырық бермей.
Құрсау мұңға көңілім қамалғалы,
жүйкемді де талдады, тарамдады.
Өзімді өзім ұға алмай, қалжырадым –
жұмбақтардан тұра ма адам жаны?
Жаным қаусап, себепсіз күрсініппін,
не жетпейді – төбемде тұр шығып күн.
Мен бе барометрі Планетаның
әлде тынысымын ба тіршіліктің?
1985



Пікірлер (0)

Пікір қалдырыңыз

Шықпайды деп ойлама жастан дана

  • 0
  • 0

Шықпайды деп ойлама жастан дана,
кәрі-жасы болмайтын тастар ғана.
Миы да жоқ, ойы жоқ шалдар қанша
басын бұлдар орап ап ақ шалмаға.

Толық

Көл үстінде

  • 0
  • 0

Кешкі желмен әндетіп тілдесемін,
лақтырғандай кеңілден мұң кесегін.
Қарағайлар қосылып әуеніме
көлдей көркем көңілмен күн кешемін.

Толық

Сағыныш гимні

  • 0
  • 0

Сүйікті Отан!
Мен қаныммен, жаныммен
аңсап келдім, құшағыңды аш маған!
Мендей ұлға бақыт табу бұйырмаған басқадан.

Толық

Қарап көріңіз