Өлең, жыр, ақындар

Таланттан сыйын тағы алсын

  • 17.03.2022
  • 0
  • 0
  • 578
Ойласам бip сәт оңаша,
Көп жылдың жырын жырлаппыз.
Қашан да біздер жаңаша
Мезгілге демеу, жұрнақпыз.
Жырланды жоқтық,
таршылық.
Күрестен туған дос-жарлар;
Қайғыдан адам аршылып,
Хикая болды жоспарлар.
Соқа мен қайла, зеңбірек
Қалған жоқ артта өлеңсіз;
Жапанда жалау желбіреп,
Жанданды белес-бел елсіз.
Ойласам бip сәт оңаша,
Көп жылдың жырын толғаппыз,
Арманға біздер жаңаша
Көңілдің күйін жалғаппыз.
Жырлаймыз ені бақыттың
Биылғы биік тұлғасын.
Коммунисттік уақытты
Ақындар асқақ толғасын!
Космосқа қарай зымырап
Жолаушы барған жолымдай,
Ендігі ғұмыр ғұмыр-ақ,
Шолпаннан жарық ол ыңғай.
Артықша биыл дәуір бар
Бағына барша тараптың.
Жырлайық жолын, бауырлар,
Қабілет, ақыл, талаптың.
Ажал мен апат жоғалсын
Адамның көзін жұмарлық!
Таланттан сыйын тағы алсын
Өмipгe деген құмарлық!



Пікірлер (0)

Пікір қалдырыңыз

Есірткі еске түскенде

  • 0
  • 0

Оралады ойға сыр алыстардан
Ат үстінде өлең-жыр, ән ұстарған.
Адамына бейтаныс ат арытып
Заты мәлім талайғы таныс барған.

Толық

Жазмыш

  • 0
  • 0

Саған жаман, бәpi жаман тұрмыста,
Ендеше сен жақсартуға тырмыспа!
Бұл өмірден кет те, жоғалт көзіңді,
О дүниенің жалғыз заңын түрлі ұста.

Толық

Қуандыққа

  • 0
  • 0

Ұранға — «Шаңғытбаев жасасынға»
Ұрынып қалармын деп қашасың ба?
Әйтеуір, дәрежесіз, дәнеңесіз
Келесің таудай өнер тасасында.

Толық

Қарап көріңіз