Жастық жыры

Не десең құптап, хош eтiп,
Жастық шақ, саған жүгінем.
Жігітше қызмет көрсетем,
Ынтыға бipгe жүгірем.
Жайраңдап келем жасқа ұқсап
Аржайы мінез, ашық үн,
Өлеңнен ыстық жастық шақ
Өлмейтін менің ғашығым.
Жүдермін бip сәт демеймін
Жүрегім сенен күй алды.
Махаббат сыйын көбейтіп,
Бөлісем шаттық қиялды.
Бөлінбес таза адалдық
Ақ, қара, сары,
құбаға.
Білем мен биік адамдық
Саған да, маған сыбаға.
Қызыңдай қызыл өңдігі
Өлшеусіз бақыт — өз гүлің.
Ғашығым менің!
Ендігі
Менен де ақын мезгілің.
Махаббат жауда жоғалып,
Жас жүрек қанша бүлінді.
— Жетті! —
деп факел жағалық.
Қорғалық еңбек, білімді
Ғашығым!
Жәбір-жапасыз
Кірлетпес жанды нақақ тат.
Жоғалсын пиғыл опасыз,
Жасасын таза махаббат!

---