Өлең, жыр, ақындар

Өмірдің мен қызығын аз көрмедім

  • 30.03.2022
  • 0
  • 0
  • 890
Өмірдің мен қызығын аз көрмедім,
Оралып, көктем қайтып жаз келмедің.
Ой қырын құшақтасам сыймайтындай,
Кеудемді алуан ой, саз кернедің.
Өмірдің мен бақытын көп көрмедім
Көрем деп сол бақытты көкке өрледім.
Ақынның бағы үлкен, ары да үлкен,
Осы екен, уа, ағайын жеткен жерім.
Өмірдің байлығын да көп кешпедім,
Бақпенен жүзбе-жүз кеп беттеспедім.
Бақ талай әйтеуір бір ұшырасса,
Жетем деген арманға жетпес пе едім.
Жырыммен жүрекке дән ексем дедім,
Бақыттың барына да көп сенбедім.
Киелі ел – құдіретті қазағыма,
Өмірде ақын болып өтсем дедім.
Өтінде тұрып — талай, жел-боранның
Қазақтың патшалығы — елге оралдың.
Тәуелсіз өз Елімді көру жазған
Алғашқы Бақытты ақын мен болармын...



Пікірлер (0)

Пікір қалдырыңыз

Сәлем саған, қарт Каспий

  • 0
  • 0

Аспанменен астасқан баурайың көк,
Баурайыңды жырыммен баурайын деп,
Қарт Каспий, сені іздеп, келдім саған,
Құшағыңда балаңдай аунайын деп.

Толық

Еңсеңді көтер, ей, адам!

  • 0
  • 0

Ей, Адам! Ел деп еміренсең,
Елім деп тебіренсең,
Еңкейтпес ешкім сені,
Еңкеймес сенің еңсең,

Толық

Абай қабірі басында туған ой

  • 0
  • 0

Бір Алатау жерленгенге ұксады,
Халқым тауын қалай ғана қиды екен?
Жұмыр жерді орап алған құшағы,
Тар қабірге калай ғана сыйды екен?

Толық

Қарап көріңіз