Өлең, жыр, ақындар

Табалап бір ісіме күліп кеткен

  • 01.04.2022
  • 0
  • 0
  • 808
Табалап бір ісіме күліп кеткен,
Күліп кеткен.
Намыстың отты шоғын үріп кеткен,
Ризамын дұшпаныма қайрап қайта
Жаныма өжет сезім,
Үмітті еккен.
Досым да, дұшпаным да тасты демес,
Тасты демес,
Жиырма деген жігітке – жастық емес;
Достық емес –
Бәрі де мақтағанның,
Жамандаудың бәрі де –
Қастық емес. . '
Оңаша шексіз оймен күн кешемін,
Күн кешемін,
Жақын дос – жүрегіммен тілдесемін.
Болашағым,
Сені алдан көре білсем,
Мен қызығып,
Өмірді сүрмес едім.
Толғаулы тоқсан сезім туар қанша,
Туар қанша,
Қанжар болмас болатты суарғанша.
Мен жолдамын:
Күлгендерді жылатып қызғаныштан, Менүшін
Мұңайғандар қуанғанша!



Пікірлер (0)

Пікір қалдырыңыз

Өзіммен-өзім болайын

  • 0
  • 0

Өзіммен-өзім болайын,
Өкпелеме, ағайын.
Жырымнан дәмді таттыңдар,
Шырқаған тойда талайың.

Толық

Бала дауысы

  • 0
  • 0

Шежірелі қарттарым шертер дейтін,
Өмір өзі өзекті өртер дейтін,
Көптен бала дауысын есітпедім,
Күліп-жылап нәресте еркелейтін.

Толық

Жеңіс күні

  • 0
  • 0

Толғатты өмір сәбиді
тоғызыншы май күні,
Жеңіс атты нәресте
көздерден сүртті қайғыны.

Толық

Қарап көріңіз