Шөмішбай Сариев

Уа, халайық!

Бұл бетте «Уа, халайық!» атты Шөмішбай Сариев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

01.04.2022
0
0
1383

Уа, халайық!
Тұрыңдар!
Сот келеді!
Жалдауға —
Адвокаттың жоқ керегі,
Жүрміз біз бәріміз де кепілдікте,
Ғұмырымыз мәңгі емес,
Өтпелі өмір!
Өтпелі өмір!
Жадында жатталсын көп.
Жолдарда —
Бізді күтіп жатқан сын көп.
Кепіл — өмір берілген бәрімізге,
Уақыт — соттың алдында ақталсын деп,
Адамзат!
Ертеңіңді бесікте ойлан,
Туғанда-ақ тағдыр соты шешіп қойған.
Табиғат алаламай бәрімізді,
Өлімнің жазасына кесіп қойған.
Өмірдің алары аз,
Көп берері,
Ақтауға —
Адвокаттың жоқ керегі.
Әділетті,
Ең қатал Уақыт атты,
Уа, халайық!
Тұрыңдар!
Сот келеді!

Шөмішбай Сариев уа халайық! Шөмішбай Сариев өлеңдері

Пікірлер (0)

Пікір қалдырыңыз

Жиі қойылатын сұрақтар